u rwego rwo kugeza album Umugabirwa ku bakunzi be,
umuhanzi Kamichi yatangiye ingendo akoreramo ibitaramo hirya no hino mu gihugu.
Kuri uyu wa Gatanu tariki ya 3 Gashyantare 2011 araba ari i Musanze ahitwa The Posh guhera saa cyenda z’igicamunsi.
Uyu muhanzi avuga ko ari bwo buryo yasanze bubereye kugira
ngo abashe kugeza ku bakunzi be album aheruka kumurika i Butare n’i Kigali.
Muri ibi bitaramo Kamichi avuga ko abakunzi be bazabasha kugura DVD y’ibihangano bye kandi ku giciro cyiza.
Kamichi kandi avuga ko uru rugendo ateganya kurukomereza mu Ntara y’Iburasirazuba,
nyuma akazerekeza mu tundi turere dutandukanye tw’u Rwanda.
Arasaba abakunzi b’umuziki Nyarwanda kutishimira abahanzi gusa,
ahubwo bakanatangira kujya bagura indirimbo zabo, bityo bakabereka ko babakunda by’ukuri.
Kamichi yagize ati :”Ninkorera igitaramo i Musanze abantu bakambaza
aho bakura ama CD yanjye, bakagura ama CD nzabanajyanye agashira, nzarushaho kwishimira ko umuziki Nyarwanda uri gutera imbere,
bive mu gufana gusa bijye no mu bikorwa”. Umuhanzi Kamichi
Izina Umugabirwa niryo ryahawe album ya mbere y’umuhanzi Kamichi.
Iyi album iriho indirimbo zakunzwe cyane nka Aho Ruzingiye,
Imitoma Irenze, Warambeshye,
Ngwino Undebe, Rukuruzi, Umukunzi Rukumbi izwi nk’Umugabirwa n’izindi.